बोरवेल म गिरे राहुल के सकुशल रेस्क्यू खातिर पूरा छत्तीसगढ़ करत हाबे दुआ, मुख्यमंत्री भूपेश बघेल परिजन ले करिस गोठबात

Rahul-sahu-fell-in-borewell-Safe-rescue

जांजगीर-चांपा, जिला के मालखरौदा विकासखण्ड के गांव पिहरीद म बोरवेल म गिरे लइका के खातिर मुख्यमंत्री श्री बघेल गजब संसो म, इही सेती वो रातभर सरलग रेस्क्यू के अपडेट लेवत रिहिन। मुख्यमंत्री श्री बघेल ह अपन निवास कार्यालय ले राहुल के घर वाला ले वीडियो कॉल म बात करिन अउ किहिन के आप बिलकुल चिंता न करें हम पूरा प्रयास करत हन के राहुल के लघियात रेस्क्यू हो अउ वो ह जल्दी ही हम लोगन के बीच सकुशल आही।

राहुल साहू के बचाव के खातिर रोबोट के ले जाही मदद

मुख्यमंत्री श्री बघेल ह बालक राहुल साहू के माता-पिता के राहुल के सकुशल वापसी के भरोसा दिलाइस। मुख्यमंत्री ह किहिन के पूरा शासन प्रशासन राहुल के सकुशल वापसी के खातिर लगे हावय। आप लोगन धैर्य रखें, राहुल के सकुशल वापसी होही। मुख्यमंत्री ह किहिन के हमर खातिर एक-एक जान कीमती हावय। राहुल ल सकुशल निकाले के खातिर पूरा प्रयास करे जात हावय। मुख्यमंत्री ह किहिन के मउका म NDRF अउ SDRF के टीम मौजूद हावयं। विशेषज्ञ ल ए बुता म लगाये गे हावय। मुख्यमंत्री ह जांजगीर-चांपा जिला के कलेक्टर अउ एसपी के राहुल के रेस्क्यू के खातिर हर संभव प्रयास करे के निर्देश दिस, ओमन किहिन के प्रयास म कोनो कमी नइ होना चाही। मुख्यमंत्री स्वयं रेस्क्यू के पल-पल के जानकारी लेत हावयं।

जांजगीर-चांपा के मालखरौदा थाना क्षेत्र के गांव पिहरीद म बोरवेल म गिरे 11 साल के राहुल साहू के बचाव के खातिर रोबोट के ले जाही मदद। ये टीम आज संझा तक पिहरीद पहुंच जाही। टाइम्स ऑफ इंडिया के बिसेस संवाददाता रश्मि ड्रोलिया के सलाह म मुख्यमंत्री भूपेश बघेल ह सूरत के रोबेट विशेषज्ञ ले संपर्क करे के निर्देश  अधिकारी मनला दे हावयं। सूरत के महेश अहीर ह अपन इनोवेशन बोरवेल रेसक्यू रोबेट के विशेषता ल लेके करे रिहिस ट्विट। रश्मि ड्रोलिया ह छत्तीसगढ़ शासन ल टैग करके धियान आकर्षित करिन। मुख्यमंत्री ह जांजगीर-चांपा कलेक्टर जितेंद्र कुमार शुक्ला के मोबाइल म वीडियो कॉल करके लइका के महतारी श्रीमती गीता साहू अउ पिता राम कुमार साहू सहित घर वाला ले बात करिस। माँ गीता साहू अउ पिता राम कुमार साहू ह जिला प्रशासन डहर ले करे  जा रिहिन रेस्क्यू म संतुष्टि जतात लइका ल जल्दी निकलवाये के निवेदन करिन।

गांव पिहरीद म छत्तीसगढ़ गौ सेवा आयोग के अध्यक्ष महंत राम सुंदर दास अउ विधायक रामकुमार यादव, कलेक्टर जितेन्द्र शुक्ला, पुलिस अधीक्षक विजय अग्रवाल सहित आन जन प्रतिनिधि तको उपस्थित रिहिस।

जानबा होवय के बोरवेल म गिरे लइका राहुल मूक बधिर हावय, उंकर सकुशल रेस्क्यू के खातिर पूरा प्रदेस दुआ करत हावय। मुख्यमंत्री ह  अधिकारी मनला निर्देश दे हावयं के लइका के सकुशल रेस्क्यू के खातिर हरसंभव प्रयास करे जायें। येकर बाद सेना, एनडीआरएफ, एसडीआरएफ राहुल के बोरवेल ले निकले म जुटे हावय।

जांजगीर जिला के गांव पिहरीद मालखरौदा के बोरवेल म मूक बधिर लइका राहुल साहू गिर गे रिहिस। अभी बोरवेल के पैरलल डिंगिंग करके 50 फिट के खुदाई हो चुके हावय। बोरवेल के पैरलल 60 फिट खुदे के बाद राहुल तक पहुँचे के खातिर टनल बनाये जाही। फिलहाल राहुल ल निकाले के खातिर तेजी ले रेस्क्यू ऑपरेशन चलत हावय।