 |
| संस्कृत विद्यामण्डलम् परीक्षा परिणाम |
अंजोर.24 मई। स्कूल शिक्षा मंत्री डॉ. प्रेमसाय सिंह टेकाम छत्तीसगढ़ संस्कृत विद्यामण्डलम् डहर ले आयोजित साल 2021-2022 के पहिली मध्यमा पहिली अउ दूसरइया साल अउ उत्तर मध्यमा पहिली अउ दूसरइया साल (हाई स्कूल 9वीं, 10वीं अउ हायर सेकेण्डरी 11वीं, 12वी) के वार्षिक परीक्षा परिणाम घोसित करिन। परीक्षा परिणाम म 96.45 परतिसत पढ़ईया मनला सफलता मिले के हावय। मंत्री डॉ. टेकाम ह सबो सफल पढ़ईया मनल बधाई अउ सुभकामना देत उंकर उज्जवल भविष्य के कामना करे हावय।
जानबा होवय के छत्तीसगढ़ संस्कृत विद्यामण्डलम् डहर ले आयोजित सत्र 2021-22 के मुख्य परीक्षा कोविड-19 ल धियान म रखत ऑफलाईन मोड़ म आयोजित के गे रिहिस। कक्षा पहिली मध्यमा पहिली साल (कक्षा 9वीं) म कुल 723 पढ़ईया सम्मिलित होइन, जेमा 405 बालक अउ 318 नोनी मन सामिल हावयं। कक्षा पहिली मध्यमा दूसरइया साल (कक्षा 10वीं) म कुल 669 पढ़ईया सम्मिलित होइन, जेमा 393 बालक अउ 276 नोनी मन ह परीक्षा दीस। कक्षा 10वीं म 186 बालक अउ 209 नोनी मन पहिली श्रेणी, 202 बालक अउ 63 नोनी मन दूसरइया श्रेणी अउ 8 बालक अउ एक नोनी तृतीय श्रेणी म पास होए हावयं।
इही रकम ले कक्षा उत्तर मध्यमा पहिली साल (11वीं) म कुल 788 पढ़ईया, जेमा 461 बालक अउ 327 नोनी मन सामिल हावयं। कक्षा उत्तर मध्यमा दूसरइया साल (12वीं) म कुल 701 पढ़ईया परीक्षा म सामिल होए, जेमा 434 बालक अउ 267 नोनी मन सामिल हावयं। कक्षा 12वीं म 339 बालक अउ 231 नोनी मन पहिली श्रेणी, 110 बालक अउ 40 नोनी मन दूसरइया श्रेणी अउ तृतीय श्रेणी म एक बालक पास होइस हावय। ए मउका म छत्तीसगढ़ संस्कृत विद्यामण्डलम के सचिव राजेश कुमार सिंह, सहायक संचालक लक्ष्मण प्रसाद साहू, आर्ष ज्योति गुरूकुल आश्रम कोसरंगी महासमुन्द के आचार्य कोमल, राजीव लोचन संस्कृत स्कूल राजिम के आचार्य संतोष शर्मा, दूधाधारी मठ रायपुर के आचार्य सुरेन्द्र कुमार तिवारी सहित संस्कृत विद्यालमण्डलम् के अधिकारी-कर्मचारी अउ आर्ष ज्योति गुरूकुल आश्रम कोसरंगी महासमुन्द के पढ़ईया मन तको उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।