आस्था के अर्पण, मुख्यमंत्री ह माईं जी ल 11 किमी चुनरी चढ़ाइस, विश्व रिकार्ड म नाम दर्ज

अंजोर
0
आस्था के अर्पण, मुख्यमंत्री ह माईं जी ल 11 किमी चुनरी चढ़ाइस, विश्व रिकार्ड म नाम दर्ज

अंजोर.24 मई। दंतेवाड़ा म माँ दंतेश्वरी के दरसन करके मुख्यमंत्री भूपेश बघेल ह ओला 11 किमी लंबा चुनरी ओढ़ाई अउ ए रकम ले दंतेवाड़ा के डेनेक्स के  बहिनी के नाम विश्व रिकार्ड म दर्ज हो गे। येकर ले पहिली नर्मदा मैया के मंदसौर म 8 किमी लंबी चुनरी ओढ़ाई गे रिहिस। डेनेक्स के 300 महिला मन ह केवल 7 दिन म अपन हुनर ले ये बुता कर लिस। जब मुख्यमंत्री अपन हाथ ले चुनरी अर्पित करे ल पहुंचिस पूरा दंतेवाड़ा शहर म उत्सव सहिक माहौल रिहिस। पूरा शहर ए सुंदर दृश्य ल देखे उमड़ आये रिहिस। ग्यारह किमी लंबी ए चुनरी के संग मुख्यमंत्री के अगुवई म नागरिक के गहरा उत्साह के जेन झलक मिलत रिहिस। वो अपन आप म अद्भुत हावय।

मुख्यमंत्री ह ए मउका म मंदिर म पूजा अर्चना के अउ प्रदेस के खुसयाली के कामना करिस। ए मउका म मुख्यमंत्री ह मंदिर परिसर म मावली महतारी अउ भैरव जी के दरसन तको करिस। ए बखत मंदिर परिसर म पारंपरिक वाद्ययंत्र के सुमधुर ध्वनि ले पूरा वातावरण आध्यात्मिक रंग म रंगगे रिहिस। जिला प्रशासन के  अधिकारी मन बताइन के डेनेक्स के महिला मन ह जेन चुनरी बनाये हावय ओकर ले उंकर हुनर के पूरा देश म जगह मिलही अउ येकर ले उंकर काम के ख्याति दुनिया भर म  फैलही।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !