गोबर बेचके गहना खरीदत हाबे महिला, ताकि वक्त पड़े त काम आवे

अंजोर.24 मई। बस्तर जिला के बड़े किलेपाल गांव के महिला मन ल घर म खाली बइठना अउ हर बात के खातिर पति म निर्भर रहना पसंद नइ रिहिस। अइसे म दू साल पहिली जब गोधन न्याय योजना के शुरूआत होए त ये महिला मन ल ये अहसास होगे के अब इंकर दिन बहुरने वाला हावयं। बड़े किलेपाल के 10 महिला मन ह दू साल पहिली गोबर खरीदना सुरू करिन अउ अब तक ये 2018 क्विंटल गोबर खरीद चुके हावयं। ये महिला मन ह वैजेन्ती नाम ले महिला स्व सहायता समूह बनाये अउ दू साल म ही 570 क्विंटल वर्मी कंपोस्ट खातु बना डरिस। एमे ले 530 क्विंटल वर्मी कंपोस्ट के बिक्री के बाद एमन ल 02 लाख 08 हजार रूपिया के मुनाफा होइस हावय। ये महिला मन ह ए आमदनी ले अपन खातिर गहना खरीदे हावयं, ताकि शौक तको पूरा हो जाए अउ वक्त पड़े त गहना काम तको आ जावें। येकर अलावा ओला कुछ पइसा अपन बचत खाता म तको डाले हावयं।