मुख्यमंत्री मितान योजना : प्रमाण पत्र खातिर भागदौड़ करे के जरूरत नइये, घर बइठे मिलही

Chief Minister Mitan Yojana

अंजोर.रायपुर, 17 मई। प्रमाण पत्र खातिर भागदौड़ करे के जरूरत नइये अब लोगन ल घर बइठे मिलही मुख्यमंत्री मितान योजना ले। लोगन ल आने-आने बुता के खातिर प्रमाण पत्र अब घर बइठे ही मिलही। छत्तीसगढ़ सरकार डहर ले सुरू करे ए योजना के जरीए अभी के बेरा म 13 सेवा ल सामिल करे गे हावय।

योजना ले विशेषकर महिला, बुजुर्ग अउ दिव्यांगजन सहित आन जरूरत मंद लोगन खातिर ये सुविधा फायदेमंद होत हावय। जानबा होवय के मुख्यमंत्री भूपेश बघेल ह 1 मई 2022 ले मुख्यमंत्री मितान योजना सुरू करे रिहिस। ये योजना पहिली चरण म प्रदेस के नगर निगम क्षेत्र म संचालित ल जात हावय।

योजना के लाभ- 

मितान योजना ले राजनांदगांव जिला के बर्फानी निवासी श्रीमती इंदु यादव ह अपन दुकान अउ स्थापना ले संबंधित पंजीयन के प्रमाण पत्र ए योजना के तहत मितान पाइन। श्रीमती इंदु यादव ह बताइन के मुख्यमंत्री के ये योजना बहुत अच्छा हावय। जेकर ले घर म ही जरूरी प्रमाण पत्र मिलत हावय। ओमन किहिन के आगू तको ए योजना के लाभ लेंगी। इही रकम ले अभय श्रीवास्तव ह किहिन के ओमन अपन 4 महीना के बेटी शुभांषी श्रीवास्तव खातिर जनम प्रमाण पत्र ए योजना ले बनवाया हावय। शासन के ये योजना बहुत अच्छा योजना हावय।