 |
| Residential Sports Academy Bilaspur |
अंजोर.महासमुंद,17 मई। खेल अउ युवा कल्याण विभाग के निर्देश के मुताबिक राज्य खेल प्रशिक्षण केन्द्र बहतराई, बिलासपुर म एथलेटिक्स बालक अउ बालिका वर्ग अउ कबड्डी नोनी वर्ग खिलाड़ी मनके खातिर आवासीय खेल अकादमी सुरू जाही। जिला खेल अधिकारी मनोज कुमार धृतलहरे ह बताइन के एथलेटिक्स म 25 बालक अउ 25 नोनी अउ कबड्डी म 30 नोनी खिलाड़ी मनके चयन करे जाही। आखरी रूप ले चयनित खिलाड़ी ल फोकट म आवास, भोजन, खेल परिधान, प्लेंईंग किट, दुर्घटना बीमा उक सुविधाशासन डहर ले उपलब्ध कराइन जाही। चयन परीक्षण म सामिल होए खातिर आवेदन 18 मई बिहनिया तक जमा करे जा सकत हाबें। खिलाड़ी आवेदन पाती के संग चाहे गे जरूरी दस्तावेज के संग राज्य, राष्ट्रीय प्रतियोगिता के परमान पाती जरूर संग लेके आएं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।