 |
| Traditional Craft and Art Training Camp |
अंजोर.रायपुर, 17 मई। संस्कृति विभाग डहर ले छत्तीसगढ़ के पारंपरिक शिल्प अउ कला म 21 दिवसीय प्रशिक्षण शिविर ‘आकार’ के आयोजन 23 मई ले करे जाही। ये प्रशिक्षण शिविर 13 जून तक चलही। प्रशिक्षण कार्यक्रम बिहनिया 07 ले 09 बजे अउ संझा 05 ले 07 बजे तक दू पाली म मंहत घासीदास स्मारक संग्रहालय परिसर सिविल लाईन रायपुर म करे जात हावय। जानबा होवय के राज्य सरकार छत्तीसगढ़ के पांरपरिक कला अउ विविध आयामों के संरक्षण अउ संवर्धन अउ बड़का प्रचार-प्रसार अउ लोगन म रूचि जागृत करे के उद्देश्य ले हरेक साल आकार कार्यक्रम के आयोजन करत हावय।
संस्कृति विभाग के पांरपरिक कला म प्रशिक्षण ले के इच्छुक प्रशिक्षु, पंजीयन शुल्क 100 रूपिया कार्यालय म जमा करके प्रशिक्षण ले सकत हावयं। विकलांग अउ अनाथ आश्रम के प्रशिक्षु मनल प्रशिक्षण शुल्क म छूट रइही। प्रशिक्षुक ल मधुबनी आर्ट, चित्रकला, रजवार भित्ती, नाटक, जापान पेपर कटिंग, क्ले आर्ट, पैरा आर्ट, ग्लास पेंटिंग, ड्राई फ्लावर मेँकिंग, धान ज्वेलरी मेकिंग, जूट शिल्य, फोक नृत्य, बोनसाई उक म प्रशिक्षण दे जाही। शिविर म वाद्ययंत्र के प्रदर्शनी तको लगाये जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।