 |
| Rajiv Gandhi Kisan Nyay Yojana |
अंजोर.रायपुर, 17 मई। मुख्यमंत्री भूपेश बघेल स्वर्गीय श्री राजीव गांधी के पुण्यतिथि के मउका म 21 मई के राजीव गांधी किसान न्याय योजना के प्रदेस के किसान मनके खरीफ विपणन साल 2021-22 के खातिर पहिली किश्त के रकम के भुगतान करही। ए मउका म सबो जिला म जिला स्तरीय कार्यक्रम आयोजित करे जाही अउ सबो जिला मुख्यालय मुख्यमंत्री बघेल डहर ले रकम अंतरण के कार्यक्रम ले वर्चुअल माध्यम ले जुड़े रइही।
मुख्यमंत्री श्री बघेल जिला स्तरीय कार्यक्रम के वर्चुअल माध्यम ले सम्बोधित करे के बाद किसान मनके खाते म पहिली किश्त के रकम के रूप म 1700 करोड़ रूपिया के अंतरण करही। सामान्य प्रशासन विभाग डहर ले जिला स्तर म आयोजित करे जाये वाला कार्यक्रम के संबंध म सबो कलेक्टर मन ल विस्ता्र ले दिशा-निर्देश जारी करे हावयं।
कलेक्टर ले किहिन गे हावय के रकम अंतरण के खातिर जिला स्तर म आयोजित कार्यक्रम म किसान मनअउ पहुना मन के सहभागिता सुनिश्चित के जाये। कार्यक्रम के खातिर गरिमा-अनुकूल जगह चयन करके सबो जरूरी तइयारी अउ व्यवस्थाएं सुनिश्चित के जाएं। कलेक्टर मन के निर्देश दे गे हावयं के सामान्य प्रशासन विभाग डहर ले मुख्य पहुना मन के जारी सूची मुताबिक मुख्य पहुना मन अउ विधायकगणों अउ जनप्रतिनिधी मन के सम्मानपूर्वक ए कार्यक्रम म सामिल होए के खातिर आमंत्रित करे जाए। संग ही योजना के हितग्राही मन के कार्यक्रम जगह म समय म अउ सुगमता ले लाने के उचित बेवस्था अउ कार्यक्रम जगह म वर्चुअल प्रसारण के बेवस्था सुनिश्चित के जाए।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।