राजीव गांधी हत्याकांड के दोषी एजी पेरारिवलन जेल ले बाहिर आही, ट्विटर म होवथे चारी

Rajiv Gandhi assassination convict AG Perarivalan out of jail

अंजोर.ए। राजीव गांधी हत्याकांड के हत्यारा एजी पेरारीवलन जेल ले रिहा होही। सुप्रीम कोर्ट ह उंकर रिहाई के आदेश दे हावय। एजी पेरारिवलन के 31 साल ले जादा जुन्ना कैद ल खतम करत सुप्रीम कोर्ट ह बुधवार के जेल म उंकर अच्छा आचरण, चिकित्सा स्थिति, शैक्षिक योग्यता ल देखत ओला रिहा करे के निर्देश दीस। जेल म बंद पेरारिवलन के दया याचिका दिसंबर 2015 ले लंबित हावय।

मिले आरो के मुताबिक "जेल म उंकर संतोषजनक आचरण, मेडिकल रिकॉर्ड, जेल म हासिल करे गे शैक्षणिक योग्यता अउ दिसंबर 2015 ले तमिलनाडु के राज्यपाल के तीर अनुच्छेद 161 के तहत दायर उंकर दया याचिका लंबित होए के सेती शक्ति के प्रयोग करत अनुच्छेद 142 के तहत हम याचिकाकर्ता ल मुक्त करे के निर्देश दे हावयं।"