 |
| chhattisgarhi traditional game |
अंजोर.रायपुर,18 मई। मुख्यमंत्री भूपेश बघेल ह नवोदित खिलाड़ी म खेल के प्रति जादा रूचि पैदा करे अउ खेल प्रतियोगिता के माध्यम ले ओला जादा ले जादा मउका दे के उद्देश्य ले प्रदेस म ’खेल प्रतियोगिता 2022’ आयोजित करे के बिसेस पहल करे गे हावय। खेल अउ युवा कल्याण विभाग डहर ले ये प्रतियोगिता ग्रामीण अउ नगरीय क्षेत्र म सबोच विकासखण्ड स्तर अउ जिला स्तर म आयोजित करे जाही। बालक अउ बालिका वर्ग के खातिर सब जूनियर अउ जूनियर कैटेगरी म खेल प्रतियोगिता आयोजित होही। प्रतियोगिता म विजेता दल अउ खिलाड़ी के पारितोषिक-प्रोत्साहन स्वरूप खेल सामान दे जाही।
विकासखण्ड स्तर म दलीय खेल हॉकी, फुटबॉल, कबड्डी, खो-खो, क्रिकेट अउ व्यक्तिगत विधा के एथलेटिक (दौड़ 400 मी.), बैडमिंटन अउ कुश्ती खेल के प्रतियोगिता आयोजित होही। जिला स्तर म दलीय खेल हॉकी, फुटबॉल, कबड्डी, खो-खो, क्रिकेट सहित दू छत्तीसगढ़ी पारंपरिक खेल अउ व्यक्तिगत विधा के एथलेटिक (दौड़ 400 मी.), बैडमिंटन अउ कुश्ती सहित दू छत्तीसगढ़ी पारंपरिक खेल के प्रतियोगिता आयोजित करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।