अनिकृति चौहान अउ दिलेश साहू फिल्म ‘मैं दिया तै मोर बाती’ के प्रिमियर शो में, छत्तीसगढ़ के छत्तीस सिनेमाघर म धमाल मचावत हाबे फिल्म
अंजोर.रायपुर, cg film naya एएसके इंटरटेनमेंट के बैनर म बने छॉलीवुड के हॉरर लव स्टोररी ‘मैं दिया तै मोर बाती’ जेकर निर्माता पवन तातेड़ अउ निर्देशन करे हाबे अभिषेक सिंह। फिल्म के अहम किरदार म दिलेश साहु, अनीकृति चौहान, रजनीश झांझी, अनिल शर्मा, अंजली सिंह, अंशुल अवस्थी, निशांत उपाध्याय, बोचकु, राजू नागरची अउ राशी पांडेय हाबे।
4 मार्च ले प्रदेश के छत्तीस सिनेमाघर म एक साथ धमाल मचावत हाबे। फिल्म के नायक दिलेश साहू अउ नायिका अनिकृति चौहान संग आन कलाकार मन तको रायपुर के श्याम टाकीज म प्रिमियर शो म जुरियाए रिहिस। उहां कलाकार अउ दर्शक मनके अदभूत परेम देखे बर मिलिस। दर्शक फिलिम ल कतका मन करिस ये तो एकेच दिन म आरो नइ मिले, फिलहाल आज के रूझान देखे जाए तो आम जनता के मन आइस, माने फिल्म अभी लंबा पारी खेलही अइसे केहे जा सकत हाबे।
अभिनेत्री अनिकृति चौहान अउ अभिनेता दिलेश साहू टाकीज म दर्शक मनले गोठबात करत सेल्फी तको दीस। ये मउका म अनिकृति चौहान ह लाली लुहरा पहिर के आये रिहिस। अन्नी ल वइसे साड़ी गजब फभथे तको। उहें दिलेश ह सादा कुर्ता संग नीला जींस म रिहिस। दूनों के जोड़ी ल दर्शक मन पदंस करत हाबे। अब ये कलाकार फिलिम ल कतका सफल करा पाही ऐला तो बेरा बताही।
- फिलिम - मैं दिया तै मोर बाती
- निर्देशक - अभिषेक सिंह
- निर्माता - पवन तातेड़
- संगीत - सुनील सोनी
- संपादन - मनीष मानिकपूरी
- कलाकार - दिलेश साहु, अनीकृति चौहान, रजनीश झांझी,अनिल शर्मा,अंजली सिंह, अंशुल अवस्थी, निशांत उपाध्याय, बोचकु, राजू नागरची, राशी पांडेय
- रिलीज - 4 मार्च 2022
- भाषा - छत्तीसगढ़ी
येहू ल चपक के देखव-
कोई टिप्पणी नहीं:
एक टिप्पणी भेजें
जोहार पहुना, मया राखे रहिबे...