new cg film |
अंजोर.रायपुर। छॉलीवुड म तको अब कोरोना के सेती अटके फिलिम मन अब ओसरीपारी सिनेमाघर म आवत हावय। एएसके इंटरटेनमेंट के बैनर म बने छॉलीवुड के हॉरर लव स्टोरी ‘मैं दिया तै मोर बाती’ जेकर निर्माता हावव पवन तातेड़ अउ निर्देशन करे हाबे अभिषेक सिंह। फिलिम म अहम किरदार म हावय दिलेश साहु, अनीकृति चौहान, रजनीश झांझी, अनिल शर्मा, अंजली सिंह, अंशुल अवस्थी, निशांत उपाध्याय, बोचकु, राजू नागरची अउ राशी पांडेय। मिले आरो के मुताबिक ये फिलिम 4 मार्च के रिलीज होही।
सोसल मीडिया म येकर पोस्टर साफर करत प्रचार-प्रसार तको सुरू होगे हावय। केहे जावथे के ये एक अनोखा प्रेम कहानी आए जेमा दिलेश साहू अउ अनिकृति एक साथ काम करे हावय। सोशल मीडिया म आए पोस्टर ले फिलिम वाकई सबसे अलग लगत हावय। येमा बड़का कलाकार रजनीश झांझी तको नवा अंदाज म दिखत हाबे। डर अउ मया के रंग म हास्य के गुदगुदी भरे खातिर राजू अउ बोचकु तको अलग रूप म दिखही।
बताये जावथे येमा दिलेश अउ अनिकृति के भुत मनके संग झगरा तको देखाये गे हावय, माने फिल्मांकन के तको कमाल देखे बर मिलही। वइसे एकर गाना तको फिलिम के पहिली आप मनला सुने बर मिल जही। एक जबरदस्त गाना चिकारा-चिकारा अवइया 11 फरवरी के रिलीज होही, तो देखे बर झन भुलाहू।
फिलिम - मैं दिया तै मोर बातीनिर्देशक - अभिषेक सिंहनिर्माता - पवन तातेड़संगीत - सुनील सोनीसंपादन - मनीष मानिकपूरीकलाकार - दिलेश साहु, अनीकृति चौहान, रजनीश झांझी,अनिल शर्मा,अंजली सिंह, अंशुल अवस्थी, निशांत उपाध्याय, बोचकु, राजू नागरची, राशी पांडेयरिलीज - 4 मार्च 2022भाषा - छत्तीसगढ़ी
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।