मोबाइल चलाये बर मना करे म दू बहिनी अपन बुआ के कर दिस हत्या... अंजोर म पढ़व पूरा मामला

Raigarh Police

अंजोर.रायगढ़,4 फरवरी। थाना चक्रधरनगर के गांव निरंजनपुर-सपनई दू सगे बहिनी मिलके अपन बुआ के हत्यार ये सेती कर दिस ओ हा मोबाइल चलाये बर मना करे रिहिस। नोनी मनके रिहिस ह परिवार म मातम के संग पहुंचा दिस जेल। छोट उमर के सेती दूनो रइही सुधार घर म। 

पुलिस के बताती बुआ तुलसी भाठ पिता स्व. हरी प्रसाद भाठ उमर 35 साल निवासी निरंजनपुर-सपनई पंचायत नटवरपुर के रिहिस। बुआ ह छोटे लड़की ल मोबाइल लेके पढ़ाई करत डांट लगाके गाली गलौज करके दू थप्पड़ मार दिस। भइगे येकरे रिस म रात के जब तुलसी भाठ गहरी नींद म सुते रिहिस तब छोटे लड़की अपन बुआ ल टांगिया ले सिर म मार दिस। 

बिहनिया जब मउका म पुलिस पहुंचीस तब दुनों बहिनी घटना ले इंकार करत रिहिस। पुलिस टीम डहर ले दुनों लड़की मन के कड़ाई ले पूछताछ करे म दुनों बहन ह अपराध स्वीकार कर लिस। दुनों ल हिरासत म लेके संझा किशोर न्याय बोर्ड भेजे गिस।