धमतरी-नगरी दुबराज ल मिलिस जी.आई.टैग, दुनिया म ममहाइस भात

Dhamtari District

अंजोर.धमतरी 4 फरवरी। धमतरी के नगरी दुबराज ल जी.आई.टैग मिले ले अब दुनिया म येकर सुगंध फैलगे। ए बारीक अउ खुशबूदार चाउंर ल हाल ही म दिसंबर महीना म जी.आई.टैग मिले  हावय। सुगंधित नगरी दुबराज चाउंर ल दिसम्बर 2021 म जियोग्राफिकल रजिस्ट्री कार्यालय चेन्नई डहर ले जी.आई.टैग दे गे हावय। जी.आई. टैग एक रकम ले लेबल होथे हावय, जेकर ले कोनो जिनिस के बिसेस भौगोलिक पहचान दे जात हावय। जी.आई.टैग उत्पादन ल कानूनी संरक्षण देथे। येकर डहर ले स्थानीय जिनिस ल राज्य के अलावा देश-विदेश म पहचान बनाये म मदद मिलत हावय।

नगरी के सिहावा पहाड़ अउ महानदी के किनारे म तराई क्षेत्र म नगरी दुबराज के उत्पत्ति माने जाथे। ए चाउंर के खासियत ये हावय के येमा बहुत ही सुगंधित होथे हावय अउ येकर दाना पतला होथे। ये पके के बाद गजब नरम अउ मुलायम होथे। एक एकड़ म अधिकतम 8 ले 10 क्विंटल तक उपज मिलथे। ये एक बड़े बखत के धान आए। आत्मा अउ कृषि विकास योजना के तहत फिलहाल नगरी के 800 ले एक हजार एकड़ क्षेत्र म येकर खेती करे जात हावय। अब एला जीआई टैग मिले ले किसान मनके आय म बड़वार अउ ए चाउंर के महत्ता बढ़गे। येकर ले उम्मीद हावय के नगरी दुबराज के सुगंध पूरा दुनिया म फैलही।