भाजपा गलत परंपरा के सुरूआत करिस अब उंकरों हर नेता के छत्तीसगढ़ म विरोध होही : विकास उपाध्याय

विकास उपाध्याय

अंजोर.रायपुर,4फरवरी। राहुल गांधी के रायपुर दौरा के बखत भाजपा कोति ले उनला करिया झंडा देखाना अउ विरोध करना अब भारी परत हावय। ये हंगामा इही मेर नइ थमत दिखत हाबे बल्की अब अऊ जबर बैर म बदलत हावय। ये मामला कांग्रेस म रायपुर के विधायक विकास उपध्याय के कहना हावय के भाजपा गलत परंपरा के सुरूआत करे हावय, बड़का नेता मनला करिया झंडा देखाके उंकर विरोध करे के। अब येकर समापन कांग्रेस पार्टी करही उंकर सबो बड़का नेता मनके विरोध अऊ करिया झंडा देखाके। उंखर मुताबिक अब भाजपा के सबो बड़का नेता जेन बाहिर ले आही उंकर विरोध करे जाही अउ येकर सुरूआत काली ले करबोन।