लइका ल घर बइठे मिलिस जाति प्रमाण पत्र, बनवाये म अब नइ परे दफ्तर के चक्कर

Sukma District

अंजोर.सुकमा, 04 फरवरी। छत्तीसगढ़ के आदिवासी बाहुल्य सुकमा जिला के लइका के जाति प्रमाण पत्र के अभाव म शासन के कोनो योजना ले वंचित न हों, इही सेती सुकमा जिला प्रशासन डहर ले जाति प्रमाण पत्र के घर पहुंच सेवा लगभग तीन साल पहिली शुरु करे गिस अउ अब तक 29 हजार ले जादा लइका के जाति प्रमाण पत्र दे जा चुके हावय। मुख्यमंत्री श्री भूपेश बघेल ह जाति प्रमाण पत्र के अभाव म होए वाला परेशानी ल देखत जाति अउ निवास प्रमाण पत्र के घर-पहुंच सेवा सुरू करे के घोसना के बाद आज स्कूली लइका ल घर बइठे ही जाति प्रमाण पत्र मिलत हावय।

अब तक 29 हजार ले जादा जाति प्रमाण पत्र जारी

सुकमा जिला प्रशासन डहर ले ए अभियान के शुरुआत ले अब तक कक्षा दूसरी ले बारहवीं तक के 29 हजार 722 अनुसूचित जाति, जनजाति अउ आन पिछड़ा वर्ग के लइका के जाति प्रमाण पत्र बनाये जा चुके हावय। जेमा सुकमा विकासखण्ड के 5341, विकासखण्ड छिन्दगढ़ ले 12 हजार 886 पढ़ईया अउ कोण्टा विकासखण्ड के 11 हजार 495 पढ़ईया मन के उंकर घर म ही जाति प्रमाण पत्र दे गे हावय।