राजिम माघी पुन्नी मेला के दिन लकठावत हाबे, पढ़व अंजोर म का चलत हे तइयारी

राजिम माघी पुन्नी मेला

अंजोर.गरियाबंद 05 फरवरी। राजिम मेला 16 फरवरी ले भराही जेन महाशिवरात्री तक रइही। मेला के सरी बेवस्था के आरो ले खातिर एसो कलेक्टर मनला जिम्मेदार दे हावय जेन आने-आने विभाग के काम बुता ल देखत हाबे। इही ओढ़र म कलेक्टर ह राजिम रेस्ट हाउस म बइठक जिस जेमा पुलिस अधीक्षक जे. आर ठाकुर, जिला पंचायत सीईओ रोक्तिमा यादव सहित आने-आने अधिकारी मौजूद रिहिस। 

सड़क के मरम्मत अउ अस्थाई बनाये के संग टेंट, बेरिकेड्स। बायो शौचालय लगाये के बुता। वन विभाग ले समन्वय करके बांस बल्ली के जरूरी बेवस्था। स्नान कुंड बनाये के बुता। सांस्कृतिक कार्यक्रम अउ आन बेवस्था के विस्तार ले गोठबात करे गिस। कलेक्टर ह किहिन के राजिम माघी पुन्नी मेला के बखत लक्ष्मण झूला के उपयोग वन-वे होही। ये झुले के उपयोग बिहनिया 8 बजे ले संझा 6 बजे तक करे जाही। अतिथि मनके स्वागत एक-एक पुष्प भेंट करके करे जाही, गुलदस्ता के उपयोग नइ होवय।