 |
| छत्तीसगढ़ फिलिम नीति |
अंजोर.रायपुर, 04 फरवरी। छत्तीसगढ़ फिलिम नीति 2021 के प्रकाशन छत्तीसगढ़ राजपत्र म करके दे गे हावय। छत्तीसगढ़ फिलिम पॉलिसी लागू होए ले प्रदेस म फिलिम उद्योग ले जुड़े हजारों कलाकार, टेक्निशियन अउ निर्माता-निर्देशक सहित स्थानीय लोगन ल येकर लाभ मिलही। योजना के तहत अलग-अलग श्रेणी म अनुदान के प्रावधान तको करे गे हावय।
मुख्यमंत्री श्री भूपेश बघेल के निर्देश म संस्कृति मंत्री अमरजीत भगत के मार्गदर्शन म छत्तीसगढ़ म नवा फिल्म-नीति 2021 तइयार करे गे हावय। ए फिलिम नीति के तहत फीचर फिल्म, वेब सीरिज, टीवी सीरियल्स अउ रियाल्टी शो अउ डाक्यूमेंट्री फिलिम के निर्माण, फिल्मांकन के खातिर सुविधा अउ प्रोत्साहन के प्रावधान करे गे हावय। येकर ले फिलिम के क्षेत्र म निजी निवेश ल बढ़ावा मिलही। छत्तीसगढ़ फिलिम नीति 2021 के लागू करे के प्रमुख उद्देश्य छत्तीसगढ़ म फिलिम अनुकूल राज्य बनाना अउ राज्य म फिलिम उद्योग के माध्यम ले प्रदेस के संस्कृति अउ पर्यटन के राष्ट्रीय पहचान देना अउ इहां स्थानीय लोगन के खातिर जादा ले जादा रोजगार के मउका उपलब्ध कराना हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।