महिला गृह उद्योग के सदस्य के अनूठा प्रयास, साइंस कॉलेज मैदान म लगे हावय विकास प्रदर्शनी

साइंस कॉलेज मैदान

अंजोर.रायपुर. 5 फरवरी। राज्य सरकार के तीन साल पूरा होए के मउका म राजधानी के साइंस कॉलेज मैदान म विकास प्रदर्शनी के आयोजन करे गे हावय। बीते 3 फरवरी ले सुरू होए प्रदर्शनी 6 फरवरी तक चलही। इहां आने-आने विभाग के विकास गाथा के आकर्षक अंदाज म पेश करे गे हावय। खादी अउ ग्रामोद्योग, वन विकास अउ रोजगार मिशन के ले आने-आने रकम ले के बुता म लगे महिला स्व-सहायता समूह डहर ले तको स्टॉल लगाए गे हावयं। विकास प्रदर्शनी म कोरिया के महिला गृह उद्योग के सदस्य श्रीमती नीलिमा चतुर्वेदी के अनूठा प्रयास देखे ल मिलिस। इहां वो ह महिला स्व-सहायता समूह के आने-आने स्टॉल म जाके उंकर बनाए समान खरीदत हावयं। वो ह ये समान ल अपन क्षेत्र के दूसर महिला मन ला देखाके नवाचार के खातिर प्रेरित करना चाहत हावयं।