नल लगाये बर अब नइ परय निगम के चक्कर काटना, घर बइठे मिलही नल के कनेक्शन

अंजोर.रायपुर, 28 जनवरी। गढ़बो नवा छत्तीसगढ़ के थीम म काम करत छत्तीसगढ़ शासन नागरिक के सुविधा के सरलग विस्तार करत हावय। आनलाइन सेवा  के सेती ले नागरिक के काम घर बइठे होत हावयं। इही कड़ी म अब नल कनेक्शन के खातिर तको नागरिक के नगरीय निकाय कार्यालय के चक्कर नइ काटना होही। आम नागरिक ल अब घर बइठे ही नल के कनेक्शन मिल जाही।

अभी के बेरा म नल कनेक्शन मिले करे बर आम नागरिक ल निगम के अधिकृत प्लम्बर के माध्यम ले नल संयोजन के नक्शा बनाके निगम कार्यालय म आवेदन देना होथे। संग ही आयकर दाता श्रेणी के उपभोक्ता ल 5 हजार रूपिया अउ गैर आयकर दाता उपभोक्ता ल 2 हजार रूपिया के अमानत रकम निगम काउंटर म जमा करे बर लाइन लगाना पड़य अउ प्रोसेसिंग शुल्क के रूप म न्यूनतम 5 सौ रूपिया के रकम निकाय म जमा करना रायह। आवेदन के ए प्रक्रिया के जटिल होए के सेती नवा कनेक्शन बर उपभोक्ता ल व्यवहारिक समस्या के सामना करे। 

राज्य सरकार डहर ले नगरीय निकाय ल टैंकर मुक्त करे  जाये बर आने-आने केन्द्र अउ राज्य प्रवर्तित योजना मन म काम करे जात हावय। ये योजना मन म नवा पाइप लाइन के विस्तार अउ जल आवर्धन योजना के बुता तको प्रगति म हावय। येकर संग ही अधिकतर नागरिक डहर ले अपन अवैध नल कनेक्शन के वैध नल कनेक्शन म परिवर्तन करे बर निकाय म संपर्क करे जात हावय। विदित हावय के मुख्यमंत्री भूपेश बघेल ले निर्देश के 15 दिन के भीतर ही विभाग डहर ले 5 सौ वर्गमीटर तक के भूखण्ड म मानव हस्तक्षेप मुक्त भवन अनुज्ञा प्रक्रिया सुरू कर दे गे हावय।

इही तर्ज म निकायवार आनलाइन आवेदन, शुल्क भुगतान अउ प्लम्बर पंजीयन उक के प्रक्रिया बर पोर्टल के बनाये प्रगति म हावय। मानव हस्तक्षेप मुक्त नल कनेक्शन प्रक्रिया, आनलाइन भुगतान अउ मासिक उपभोक्ता शुल्क के आनलाइन भुगतान बर विभाग 25 फरवरी 2022 के लक्ष्य करार करे गे हावय। नगरीय निकाय विभाग डहर ले प्रक्रिया सरलीकरण, प्लम्बर पंजीयन उक नियम अउ प्रक्रिया तइयार करे जात हावयं। प्लम्बर पंजीयन के प्रक्रिया के सरलीकरण ले बेरोजगार युवा नागरिक के रोजगार के नवा मउका तको मिलही।