छत्तीसगढ़ म वन नेशन वन कारड बेवस्था के लाभ मिलना सुरू होगे

अंजोर
0

अंजोर.रायपुर, 28 जनवरी। वन नेशन वन राशन कारड बेवस्था लागू होए के बाद अब कोनो भी राशन दुकान ले खाद्यान्न ले जा सकत हावय। येकर ले मजदूरी करे बर राज्य म या राज्य के बाहिर आन ठऊर  म जावइया लोगन ल बड़ सहूलियत होही। पहिली ये मजदूर मन ल राशन ले के खातिर अपन गांव के राशन दुकान जाना पड़ता रिहिस। मुख्यमंत्री श्री भूपेश बघेल के पहल म प्रदेस म लागू करे जात ए नवा बेवस्था के तहत राज्य के सबो राशनकार्ड धारी के आधार कारड प्रमाणीकरण करके बायोमेट्रिक प्रणाली ले जोड़े जात हावय। येकर बाद राशन उपभोक्ता ल कोनो भी राशन दुकान ले राशन उठाये के सुविधा मिलही। 

वन नेशन वन राशन कारड के बेवस्था प्रदेस के सबो जिला  म लागू करे जात हावय। राज्य सरकार डहर ले चरणबद्ध ढंग ले राशन दुकान म आधार कारड के जरिए उपभोक्ता के सत्यापन के खातिर राशन दुकान म ई-पॉस मशीन उपलब्ध कराये जात हावय। रायपुर जिला म ए नवा बेवस्था के क्रियान्वयन सुरू हो गे हावय। रोजी रोटी के तलाश म आन जिला  ले आए मजदूर परिवार के येकर लाभ मिलना तको सुरू हो गे हावय। 

गांव पलौद म अइसने एक महिला श्रीमती पूर्णिमा बंजारे हावय। ओला ए सुविधा के लाभ मिलत हावय।श्रीमती पूर्णिमा बंजारे अउ ओकर परिवार बढि़या रोजगार के सिलसिला म धमतरी ले रायपुर आइस। ये परिवार मूलतः धमतरी जिला के गांव शंकरदाह, गांव पंचायत हरफ्तराई के हावय। अभी के बेरा म ये परिवार आरंग विकास खंड गांव पलौद म संचालित बनाये बुता म मजदूरी करके गुजर बसर करत हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !