अंजोर.रायपुर, 28 जनवरी। मुख्यमंत्री दाऊ भूपेश बघेल ह गणतंत्र दिवस म राज्य के सबो शहर के स्लम बस्ती वाला ल एक बड़ा सौगात दीस हावय। अब इहां के रहवासी के इलाज के खातिर अस्पताल जाये या खून के जांच अउ आन स्वास्थ्य परीक्षण के खातिर ऐति-वोति नइ भटकना पड़ही। अब उंकर इलाका म मोबाइल मेडिकल यूनिट डॉक्टर सहित खड़े रइही, जिहां 42 रकम के टेस्ट के फोकट म सुविधा तको होही अउ फोकट म दवई तको मिलेंगी।
येकर खातिर ‘‘मुख्यमंत्री स्लम स्वास्थ्य योजना’’ सबो 169 शहर म सुरू करे के घोसना करे गिस हावय। पहिली म ये योजना राज्य के सबो 14 नगर पालिक निगम म 1 नवम्बर 2020 ले सफलता पूर्वक संचालित हो रही रिहिस। ए योजना के लाभ के देखत होए मुख्यमंत्री ह सबो शहर म एला लागू करे के फइसला लिस हावय। ये फइसला कोरोना महामारी के देखत अउ तको कारगर साबित होही, काबर के डॉक्टर ले मिले लोगन के अब अस्पताल नइ जाना पड़ही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।