अंजोर.राजनांदगांव 15 जनवरी। मौसम के चुनौति के सामना करत जिला प्रशासन डहर ले सरलग धान खरीदी अउ धान के उठाव करे जात हावय। किसान मन के धान बेचे म कोनो भी रकम ले परेशानी न हो, येकर खातिर बरसात के बखत भी धान के उठाव सरलग जारी रिहि। कलेक्टर तारन प्रकाश सिन्हा ह धान उठाव म तेजी लाने के खातिर तीन दिन धान उठाव महाअभियान चलाने के निर्देश दे हावयं। ओमन किहिन के रोज 1 लाख क्विंटल ले जादा धान के उठाव के लक्ष्य करार करे गे हावय। जेमा 3 दिन म 3 लाख क्विंटल ले जादा धान के उठाव करे जाही। राजनांदगांव अउ दुर्ग के राईस मिलर्स अउ परिवहनकर्ता के माध्यम ले रोज 200 वाहन लगाके धान के उठाव करे जाही। बेमौसम बरसात के बखत पाछु दू दिन म भी धान खरीदी केन्द्र ले लगभग सवा लाख क्विंटल धान के उठाव करे गे हावय। ए बखत धान खरीदी केन्द्र म धान खरीदी सरलग जारी रिहि।
कलेक्टर सिन्हा धान खरीदी अउ उठाव के सरलग मॉनिटरिंग करत रिहिन हावयं। संग ही धान खरीदी केन्द्र के निरीक्षण करके बेवस्था के जायजा लेत रिहिन हावयं। जिला के 149 धान खरीदी केन्द्र म सरलग किसान मन ले धान खरीदे जात हावय। 2 लाख 12 हजार 37 किसान मन ह धान बेचे के खातिर पंजीयन कराइन हावय। जेमा 1 लाख 52 हजार 619 किसान मन ह लगभग 60 लाख क्विंटल धान के बेचाये हावय। धान उठाव म तेजी लाने के खातिर मिलर्स ल लक्ष्य के मुताबिक धान उठाव के निर्देश दे गे हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।