अंजोर.ए। बॉलीवुड के जबरदस्त कलाकार जेन दर्जनों हिट फिलिम ले लोगन के करेजा म समाये रिहिस, ओकर नाम हावय प्रियंका चोपड़ा। अब भले उंकर फिलिम नइ आवथे, विदेश म बिहाव करे के बाद, तभो ले सोशल मीडिया म कोनो न कोना ओखी प्रियंका चोपड़ा के गोठ निकली जथे। कभू अपन पति निक जोन्स के संग जलसा के, तिहार के, सौर-सपाटा के, सबोच म लंगत के चारी होथे। अइसे नहीं के प्रियंका ले मया करइया भारत भर म हावय, दुनिया भर म ओकर लगवार हावय जेन मन हर अदा म मरथे।
आजकल उंकर वैनिटी फेयर खातिर टाइमलाइन शूट के खूब चर्चा हावय। प्रियंका फोटो ल इंस्टाग्राम म शेयर करत लिखथे के - It was so surreal to shoot My Career Timeline for Vanity Fair. 20 years that seem like they went by in a blink, but when I went down memory lane, it was a great reminder that if you pound the pavement hard enough, eventually people stop and notice. वैनिटी फेयर खातिर मोर भाग म टाइमलाइन शूट करना गजब सहराये के लइक रिहिस। 20 बछर बाद के सुरता फेर झप ले नजर म भरगे, ये अइसन कारज रिहिस के रद्दा रेंगइया के तको पांव रबक जही देखके अउ चारी करे बिगर नी रेहे सकही।
प्रियंका चोपड़ के फोटोशूट के संग उंकर सोशल अकाउंट म अउ केऊ नजर म झूलइया फोटू हावय जेन देखइया के करेजा चान देथे। प्रियंका के बारे म बॉलीवुड म अइसे केहे जोथे फोटो होवे चाहे वीडियो छाती छोल देथे। पढ़इया संगी मन खातिर सउंहे खिचाये अउ सोशल मीडिया म साफर करे कुछ फोटो उंकर शेयर करे ल महू परोसत हवं, मया बनाये रखिहव।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।