कोविड-19 संक्रमित महिला के सफलता पूर्वक प्रसव, मां अउ लइका दुनों स्वस्थ

अंजोर.राजनांदगांव 15 जनवरी। सुदूर वनांचल क्षेत्र मानपुर विकासखंड के सामुदायिक स्वास्थ्य केन्द्र मानपुर म डॉक्टर मन के टीम ह कोरोना पॉजिटिव महिला के सफलता पूर्वक जचकी कराइस। जचकी के बाद जच्चा अउ लइका दुनों स्वस्थ हावय। डॉक्टर के पूरा टीम ह अपन फर्ज निभात कठिन अउ चुनौतीपूर्वक बुता ल सफलता पूर्वक पूरा करिन। कोरोना संक्रमण के ए विषम परिस्थति म डॉक्टर के टीम मरीज मन के सेवा म सरलग लगे हावय। कलेक्टर तारन प्रकाश सिन्हा के मार्गदर्शन म जिला के सबो स्वास्थ्य केन्द्र म कोविड-19 संक्रमित मरीज मन के खातिर स्वास्थ्य सुविधा सुनिश्चित करे गे हावय। होम ऑईसोलेशन अउ अस्पताल म संक्रमित मरीज मन के उचित उपचार अउ देखभाल करे जात हावय।