भिलाई चरोदा नगर निगम म महापौर निर्मल कोसरे अउ सभापति कृष्णा चंद्राकर ल प्रदेश कांग्रेस अध्यक्ष दीस बधाई

अंजोर.दुर्ग,3 जनवरी। प्रदेश के नगर निगम चुनई म कांग्रेस ल मिले बड़का जन समर्थन बहुमत के रूप म सरकार के ओली म गिरे हावय। अऊ नगर निगम के जीत ले उत्साहित मुखिया जी तको कार्यकर्ता मनला मया आसीस दे हावय। 

इही ओढ़र म मिले आरो के मुताबिक भिलाई चरोदा नगर निगम म कृष्णा चंद्राकर ल सभापति चुने गे हावय। ये मउका म प्रदेश के कांग्रेस अध्यक्ष मोहन मरकाम जी ह महापौर निर्मल कोसरे अउ सभापति कृष्णा चंद्राकर ल बधाई अउ शुभकामना देवत उंकर उज्ज्वल सेवाकाल के कामना करिन हावय।