बलौदा बाजार पुलिस : पदोन्नति आरक्षक मनके स्टार अउ फित्ती ले होईस सम्मान

अंजोर.बलौदबाजार,3 जनवरी। नवा बच्छर के उच्छह पुलिस परिवार बर तको बनेच जोंग के होइस, 13 प्रधान आरक्षक पदोन्नति म सहा.उप निरीक्षक अउ 58 आरक्षक मन प्रधान आरक्षक के पद म पदोन्नत होइस। मिले आरो के मुताबिक पुलिस कार्यालय के सभाकक्ष म आयोजित कार्यक्रम म नववर्ष अउ पदोन्नति के जलसा उरकीस। ये मउका म परिवार के सदस्य अउ आन बड़का अधिकारी मन जुरियाए रिहिन। पदोन्नति कार्यक्रम म वरिष्ठ पुलिस अधीक्षक महोदय अउ परिवार के सदस्य मनके कोति ले स्टार अउ फित्ती लगाके शुभकामना दीस।