0 जिला म जुलूस, रैली, पब्लिक गैदरिंग, सामाजिक, सांस्कृतिक, धार्मिक अउ खेल आयोजन रोक0 चार प्रतिशत या जादा पॉजिटिव रेट वाला जिला म स्कूल, आंगनबाड़ी, पुस्तकालय, स्वीमिंग पूल अउ सार्वजनिक ठऊर बंद0 रात 10 बजे ले बिहनिया 6 बजे तक रात्रिकालीन क्लैम्प डाउन0 सार्वजनिक स्थान, भीड़-भाड़ वाला बाजार अउ दुकान म संक्रमण ले बचाव के खातिर मास्क के उपयोग के सख्ती0 एयरपोर्ट म आरटीपीसीआर जांच अनिवार्य0 रेल्वे स्टेशन अउ राज्य के सीमावर्ती क्षेत्र म कोरोना संक्रमण के रेन्डम टेस्टिंग के निर्देश, आवश्यतानुसार माइक्रो अउ मिनी कंटेनमेन्ट जोन0 होम आईसोलेशन वाला मरीज मन के खातिर सप्ताह म सातों दिन 24 घंटा कॉल सेंटर्स संचालित0 हॉस्पिटल बेड, दवई स्टॉक, पीएसए प्लांट्स अउ ऑक्सीजन के उपलब्धता के डेली रिपोर्टिंग के निर्देश0 चार प्रतिशत या जादा पॉजिटिव रेट वाला ठऊर मन म मॉल, सिनेमा, स्वीमिंग पूल, मेरिज पैलेस, होटल, रेस्टोरेंट, ऑडिटोरियम म प्रतिबंध लगाये अउ आन जिला म एक तिहाई क्षमता ले संचालित करे के निर्देश
अंजोर.रायपुर, 4 जनवरी। मुख्यमंत्री दाऊ भूपेश बघेल ह प्रदेश म कोविड-19 के बाढ़त मामला ल देखत सबो कलेक्टर मन अउ पुलिस अधीक्षक ल कोरोना संक्रमण के रोकथाम के खातिर कोविड-19 गाइडलाईन के तहत सख्ती ले हर संभव उपाय सुनिश्चित करे के निर्देश दे हावयं। मुख्यमंत्री ह किहिन हावय के हमर मुख्य उद्देश्य कोविड-19 संक्रमण अउ येकर ले संबंधित रिस्क ल सीमित करे हावय, न के आर्थिक गतिविधी ल धीमा करना।
ये संबंध म जारी निर्देश म कलेक्टर मन अउ पुलिस अधीक्षक ले किहिन गे हावय के प्रदेश के अइसे जिला जिहां पॉजिटिव रेट 4 प्रतिशत या येकर ले जादा हावय, उहां रात 10 बजे ले बिहनिया 6 बजे तक रात्रिकालीन क्लैम्प डाउन लगाये जाए अउ नॉन कमर्शियल गतिविधी म सख्ती ले रोक लगाये जाए। येकर खातिर जिहां जरूरी हो उहां धारा 144 अउ महामारी अधिनियम के प्रावधान के तहत कार्रवाई करे जाए, जेन जिला म पॉजिटिव रेट 4 प्रतिशत ले जादा हावय, उहां सबो स्कूल अउ आंगनबाड़ी केन्द्र, पुस्तकालय, स्वीमिंग पूल अउ अइसे सार्वजनिक ठऊर मन के बंद रखे जाए। अइसे जिला जिहां बीते 7 दिन म कोरोना पॉजिटिविटी रेट 4 प्रतिशत ले कम हावय, उहां कलेक्टर आन जिल के प्रावधान लागू कर सकही।
सबो जिला म जुलूस, रैलियों, पब्लिक गैदरिंग, सामाजिक, सांस्कृतिक, धार्मिक अउ खेल आयोजन म प्रतिबंध लगाये के निर्देश दे गे हावयं। जिहां जरूरी हो उहां धारा 144 अउ महामारी अधिनियम के प्रावधान के तहत कार्रवाई करे ल किहिन हावय।
सबो कलेक्टर मन अउ पुलिस अधीक्षक ले किहिन हावय के कोविड-19 संक्रमण के रोकथाम के खातिर निजी डॉक्टर, निजी अस्पताल, एनजीओ, मीडिया प्रतिनिधि मन के संग बैठकें आयोजित करे जाएं। कोरोना संक्रमण रोकथाम के उपाय के स्थानीय प्रचार माध्यम म प्रचार-प्रसार सुनिश्चित करे जाए अउ नकारात्मक अउ असत्य खबर म सख्ती ले रोक लगाये जाए।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।