सिनेमा। छत्तीसगढ़ी फिलिम ले मया करइया मन तो सिरजन के आरो पाके ही टोह लेवत रिथे के फलाना फिलिम कब पूरा होके पर्दा म आही। फेर बइरी कोरोना जब ले बइधे हावय बने हकन के सिनेमा आते नइये। छत्तीसगढ़ बर तो दुबर बर दू असाढ़ कस किस्सा होगे, एक तो टाकीज के कमी ऊपर ले कोरोनो। खैर अब जइसे-तइसे फिलिम आते हावय। सोशल मीडिया ले आरो मिले हावय के अमन हुसैन के निरदेसन म बने फिलिम फुलवारी फेर सिनेमाघर म अवइया हावय। 21 जनवरी के छत्तीसगढ़ के 10 सिनेमाघर म एकेच संघरे रिलीज होही।
फुलवारी फिलिम के पहली वीडियो 2013 म सोशल मीडिया म आए रिहिसे, दर्शक मन घातेच मन करिस। ये फिलिम म अहम किरदार म हावय अनुज शर्मा, पवन गुप्ता, पुष्पेंद्र सिंह, योगिता यादव, उपासना वैष्णव, पूजा साहू सहित छॉलीवुड के केऊ बड़का कलाकार। फिलिम के गीत ल सुघ्घर आवाज म गाये हावय गायक सुनील सोनी, अलका चंद्राकर अउ गीत ल लिखे हावय हरिहर मिश्रा, सफीन दास मानिकपुरी संगीत दे हावय उत्तम तिवारी। फिलिम के प्रोमो ले कहानी के आकब करन तव ये एक पारिवारिक फिलिम आए जेमा दू भाई के परिवार अउ अटेलहा लइका के संग मया के रंग तको देखे बर मिनही। पटकथा संवाद के संग गीत-संगीत तको जबरदस्त हावय। देखे बर झिन भुलाहू निर्देशक अमन हुसैन के शानदार रंगमाला फुलवारी ल 21 जनवरी ले।
देखव फिलिम के ट्रेलर खाल्हे म-
New Superhit Chhattisgarhi Movie Official Trailer ‘ Phulwari’ Full Film Promo
Director – Aman Hussain
Artist – Anuj Sharma, Pawan Gupta, Pushpendra Singh, Yogita Yadav, Upasana Vaishnav, Pooja Sahu,
Singer – Sunil Soni, Alka Chandrakar,
Lyrics – Harihar Mishra, Safin Das Manikpuri,
Music – Uttam Tiwari,
Choreographer – Nishant Upadhyay, Dilip Baish,
Editor – Vikash Meshram (Banti)
Producer – Kamlesh Baidh, Bhaghchand Jain, Vijay Bhandari, Roopchand Jain, Amit Agrawal, Rajendra Kotadiya, Gulab Parakh, Makshood Hussain, Niraj Kotadiya, Manish Lodha
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।