किसान धान खरीदी ल लेके चिन्ता झिन करव, सबो किसान के धान खरीदा जाही: मुख्यमंत्री दाऊ भूपेश बघेल

अंजोर.रायपुर, 14 जनवरी। मुख्यमंत्री भूपेश बघेल ह किहिन के बीते कुछ दिन ले मौसम ठीक नइ होए के सेती राज्य म समर्थन कीमत म धान खरीदी के स्थिति प्रभावित होए हावय। इही ल लेके किसान मन ल चिन्ता करे के जरूरत नइ हावय। मौसम ठीक होवत ही उपार्जन केन्द्र म धान खरीदी म तेजी लाये जाही। अभी के बेरा ल देखत होए मुख्यमंत्री बघेल ह कृषि मंत्री रविन्द्र चौबे ले धान उपार्जन के बेवस्था के समीक्षा के अउ ए संबंध म जरूरी कदम उठाये ल किहिन हावय। 

मुख्यमंत्री ह किहिन हावय के राज्य म सबो पंजीकृत किसान मनके धान के खरीदी करे जाही। येकर खातिर उपार्जन केन्द्र म खरीदी के बेवस्था के अउ जादा विस्तारित करे के निर्देश दे हावय। मौसम खुलते ही तेजी ले धान खरीदी के बेवस्था सुनिश्चित करे जाही। ओमन किहिन हावय के राज्य म धान खरीदी के आखरी तारीख 31 जनवरी हावय। सरकार के ये कोशिश होही के ए बखत म शत-प्रतिशत किसान मन ले उंकर पंजीकृत रकबा के धान के खरीदी समर्थन कीमत म पूरा कर ले जाए। ओमन किहिन हावय के जरूरत  पड़े म किसान मन के सहूलियत के खातिर धान खरीदी के करार बखत म बड़वार करे के विचार करे जाही।