मुख्यमंत्री बघेल घायल पुलिस जवान के जानिस हाल-चाल, शिवरीनारायण प्राथमिक स्वास्थ्य केंद्र म चलिस उपचार

अंजोर.रायपुर, 14 जनवरी। मुख्यमंत्री दाऊ भूपेश बघेल ह आज जांजगीर-चांपा जिला के शिवरीनारायण थाना क्षेत्र म होए वाहन दुर्घटना म घायल पुलिस जवान मनके हाल-चाल जानिस अउ घायल जवान मन के बढि़या उपचार के निर्देस दिस। मुख्यमंत्री ह पुलिस महानिरीक्षक, बिलासपुर रेंज ले फोन म गोठबात करके घटना के जानकारी लिस।

नवागढ़ खंड चिकित्सा अधिकारी डॉ पुष्पेंद्र लहरे ह बताइन के ए घटना म 15 पुलिस जवान मन ल सामान्य चोट आये रिहिस। जेकर शिवरीनारायण प्राथमिक स्वास्थ्य केंद्र म उपचार करिन। उपचार के बाद वोमन बिलासपुर जिला के खातिर वापस रवाना हो गे हावयं। कुछ जवान मन के चेहरे म खरोच आये हावय।