स्कूल म नवा जतन ले पढ़ाई म पिछड़े लइका के स्तर सुधारे जाही

अंजोर.रायपुर, 04 दिसम्बर। राज्य शैक्षणिक संस्थान अउ प्रशिक्षण परिषद (एससीईआरटी) म नवा जतन कार्यक्रम के शुभारंभ करिन आज स्कूल शिक्षा मंत्री डॉ. प्रेमसाय सिंह टेकाम। ओमन ए मउका म आयोजित प्रशिक्षण कार्यक्रम म उपस्थित राज्य स्रोत समूह के सदस्य मन ले किहिन के स्कूल म नवा जतन मार्गदर्शिका के उपयोग करके पढ़ाई म पिछड़गे लइका ल अभी के बेरा कक्षा के स्तर तक लाये जाए। जानबा होवय के कोरानाकाल म राज्य के स्कूल म अइसे लइका जेन लर्निंग लॉस के सेती अभी के बेरा कक्षा स्तर ले पिछड़े होए हावयं, अइसे छात्र ल उपचारात्मक शिक्षा दे के खातिर ‘नवा जतन’ कार्यक्रम संचालित होही। स्कूल शिक्षा विभाग के एससीईआरटी के डहर ले सेतु पाठ्यक्रम 2.0 के ले नवा जतन कार्यक्रम के निर्माण करिन हावय। मंत्री डॉ. टेकाम ह ए मउका म नवा जतन के मार्गदर्शिका के विमोचन भी करिन।

मंत्री डॉ. टेकाम ह किहिन के अब हमर पास बेसलाइन आकलन के पूरा आंकड़ उपलब्ध हावयं। राज्य म पढ़ने वाला लगभग 95 प्रतिशत लइका के रिकार्ड उपलब्ध हावय अउ संभवतः छत्तीसगढ़ देश के अइसे पहिली राज्य हावय जेकर पास कक्षा एक ले आठ तक के सबोच लइका कोन स्तर म हावय, ये जानकारी उपलब्ध हावय। ओमन किहिन के प्रशिक्षण म लइका के शैक्षणिक स्तर के देखे के तरीका बता दे गे हावय। अब कक्षा पहिली ले आठवीं तक के सबोच लइका के शैक्षणिक स्तर विभागीय वेब पोर्टल के माध्यम ले देखे जा सकत हावय।