साहित्यकार अउ कलाकार पेंशन नवीनीकरण के खातिर आवेदन 31 दिसम्बर तक

अंजोर.रायपुर, 4 दिसम्बर। राज्य शासन के संस्कृति विभाग डहर ले साहित्यकार अउ कलाकार मनला मासिक पेंशन योजना के तहत नवीनीकरण के खातिर आवेदन 31 दिसम्बर तक मंगाये गे हावय। साहित्यकार-कलाकार के नवीनीकरण प्रपत्र जमा करे के खातिर पहिली 18 जून 2021 के सूचना जारी करे गे रिहिस। उंकर बाद 11 अगस्त अउ 29 नवम्बर 2021 के नवीनीकरण के खातिर सुरता पाती जारी करे गे हावय।

जानबा होवय के संस्कृति विभाग डहर ले मासिक अभावग्रस्त साहित्यकार-कलाकार के वित्तीय मदद के खातिर मासिक पेंशन योजना के तहत साल 2020-21 म 131 साहित्यकार-कलाकार के मदद रकम दे करे गिस रिहिस। साल 2021-22 म नवीनीकरण प्रपत्र मिले हावय के आधार म अब तक 105 साहित्यकार-कलाकार ल पहिली किश्त के मदद रकम दे जा चुके हावय।