अंजोर.रायपुर 04 दिसम्बर। छत्तीसगढ़ विधानसभा के बारहवां सत्र अवइया 13 ले 17 दिसम्बर तक आयोजित होही। ये मउका म मुख्य सचिव अमिताभ जैन ह विभागीय वरिष्ठ अधिकारी मन के बइठक लिस। बइठक म मुख्य रूप ले सत्र के बखत विभागीय प्रकोष्ठ के गठन अउ नोडल अधिकारी के नियुक्ति, सत्र के बखत प्रस्तुत होवइया विधेयक के पहिली तैयारी, लंबित आश्वासन के उत्तर, विधानसभा के पटल म रखे जाये वाला पत्रक के तइयारी, स्थगन प्रस्ताव, ध्यानाकर्पण सूचना, याचिका, शून्य काल के सूचना, विधान सभा के आने-आने समिति मन के प्रतिवेदन म लघियात कार्रवाही, सत्र के बखत गोठबात के संभावित विषय के तइयारी लोक महत्व के विषय म गोठबात के तैयारी, पालन प्रतिवेदन, सहित आन बिन्दु म गोठबात करे गिस।
मुख्य सचिव ह विधानसभा सत्र क बखत अपरिहार्य स्थिति के छोड़के अवकाश स्वीकृत नइ करे के निर्देश दे हावयं। अधिकारी दीर्घा अउ आन ठऊर मन म प्रवेश के खातिर कोविड-19 के संक्रमण ले बांचे जारी दिशा निर्देश के मुताबिक पास के वितरण करे के निर्देश दे हावयं। विधानसभा म प्रस्तुत करे जाये वाला विधेयक के केबिनेट म प्रस्तुत करे अउ अनुमोदन मिले करे के निर्देश दे हावयं। बइठक म संसदीय बुता विभाग के सचिव अविनाश चम्पावत, सामान्य प्रशासन विभाग के सचिव डी.डी. सिंह अपस्थित रिहिस। आन विभाग के सचिव स्तरीय अधिकारी वीडियो कॉन्फ्रेंसिंग के माध्यम ले बइठक म सामिल होइन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।