टांगरगांव म मधुवन दवई वाटिका शुभांरभ करिन पत्थलगांव विधायक रामपुकार सिंह

 

अंजोर.जशपुरनगर 05 दिसम्बर। कांसाबेल के वन परिक्षेत्र जशपुर वन मंडल ले कांसाबेल विकासखंड के टांगरगांव म मधुवन दवई वाटिका के शुभांरभ पत्थलगांव विधायक रामपुकार सिंह अउ कलेक्टर रितेशकुमार अग्रवाल ह करिन। ए मउका म पुलिस अधीक्षक विजय अग्रवाल, वनमण्डलाधिकारी कृष्ण जाधव, जनपद अध्यक्ष, उपाध्यक्ष जनप्रतिनिधि सहित वन विभाग के अधिकारी कर्मचारीगण उपस्थित रिहिस। विधायक रामपुकार सिंह ह सबो ल अपन हार्दिक बधाई अउ शुभकामनाएं देत होए किहिन के मधुवन दवई वाटिका के लाभ क्षेत्रवासी मन ल प्रत्यक्ष रूप ले मिलही। बिहनिया संझा शैर करे के खातिर भी लोगन अब येकर उपयोग कर सकही।  कलेक्टर रितेश कुमार अग्रवाल ह सबो लोगन के अपन शुभकामनाए देत होए किहिन के मधुवन दवई वाटिका ले केऊ रकम ले जानकारी भी लोगन ल मिलही। इही उद्देश्य ले वाटिका के शुभांरभ करे गे हावय।

मधुवन दवई वाटिका के उद्देश्य आम जनता अउ लइका म प्रकृति के प्रति जागरूकता अउ उंकर सुरक्षा के खातिर अपन सहयोग के बढ़ाना हावय। ए वाटिका म वन विभाग डहर ले आने-आने रकम ले करे गे हावय। एमे हर्बल गार्डन, नवग्रह वन,राशि वन, पंचवटी वन, बम्बू सेटम,त्रिफला वन, मैडिटेशन हट, दश मूल पर्वत, तालाब,वुडन ब्रिज, रोस गार्डन उक बनाये गे हावय।

इहाँ आम जनता गार्डन म टहले के संग संग जंगल के बारे म अपन योगदान अउ जानकारी मिल सकत हावय। ये वाटिका के दूसर पार्ट म चिल्ड्रन गार्डन हावय जहाँ लइका के खातिर खेले कूदे अउ एंटरटेनमेंट खातिर पार्क विकसित करे गे हावय। आने वाला समय म ए क्षेत्र म लोगन अपन सगे संबंधी के सुरता म पौधा मन के रोपण करहीं जेला सुरता वन के नाम ले जाने जाही।