यूपीएससी के सिविल सेवा प्रारंभिक परीक्षा पास होए म मिलही एक लाख रूपिया के प्रोत्साहन राशि

अंजोर.बेमेतरा 05 दिसम्बर। संघ लोक सेवा आयोग के सिविल सेवा प्रारंभिक परीक्षा म सफल प्रदेश के अनुसूचित जाति अउ अनुसूचित जनजाति के उम्मीदवार मन ल प्रोत्साहन रकम दे जाये के प्रावधान हावय। पात्र उम्मीदवार मन ले 22 दिसम्बर 2021 तक आवेदन आमंत्रित हावय। सहायक आयुक्त आदिवासी विकास श्रीमती मेनका चंद्राकर ह बताइन के आदिम जाति अउ अनुसूचित जाति विकास विभाग डहर ले संचालित ए योजना के उद्देश्य अनुसूचित जाति अउ अनुसूचित जनजाति के उम्मीदवार मन ल संघ लोक सेवा आयोग (यूपीएससी) के परीक्षा के खातिर प्रोत्साहित करे हावय। विभाग डहर ले यूपीएससी के सिविल सेवा प्रारंभिक परीक्षा म सफलता मिले म एक लाख रूपिया प्रोत्साहन रकम दे जाये के प्रावधान हावय। आदिवासी विकास विभाग के अधिकारी मन ह बताइन के पात्रता अउ शर्त अउ आवेदन के प्रारूप वेबसाईट डब्ल्यूडब्ल्यूडब्ल्यूडाटट्रायबलडॉटसीजीडॉटजीओव्हीडॉटईन ले डाउनलोड करे जा सकत हावय। इच्छुक अउ पात्र अभ्यर्थी ए संबंध म विस्तार ले जानकारी आयुक्त आदिम जाति अउ अनुसूचित जाति विकास ब्लॉक-डी, भूतल, इंद्रावती भवन नवा रायपुर ले ले सकत हावय।