अंजोर.रायपुर, 4 दिसम्बर। महिला अउ बाल विकास विभाग म पर्यवेक्षक (सुपरवाईजर) के खाली 200 पद म भरती के प्रक्रिया शुरू हो गे हावय। विभाग म सुपरवाईजर के खाली पद म खुली सोज भरती अउ परिसीमित सोज भरती डहर ले नियुक्ति करे जात हावय। येकर खातिर छत्तीसगढ़ व्यवसायिक परीक्षा मण्डल डहर ले ऑनलाइन आवेदन आमंत्रित करे गे हावयं। नियुक्ति के खातिर छत्तीसगढ़ के मूल निवासी महिला मन ही आवेदन कर सकत हावयं। नियमानुसार आरक्षित श्रेणी अउ दिव्यांगजन के खातिर भी पद आरक्षित हावय। खुली सोज भरती म कोनो भी मान्यता मिले विश्वविद्यालय ले स्नातक या समतुल्य उपाधि रखे वाला महिला मन आवेदन कर सकत हावयं। परिसीमित सोज भरती के खातिर केवल विभाग म 10 साल ले सतत् कार्यरत आंगनबाड़ी कार्यकर्ता ही आवेदन के खातिर पात्र होही।
आवेदन करे के प्रक्रिया 3 दिसम्बर ले शुरू हो गे हावय। इच्छुक उम्मीदवार 30 दिसम्बर 2021 के रात 11.59 बजे तक व्यापम के वेबसाईट म ऑनलाइन आवेदन कर सकत हावयं। आवेदक के 50 रूपिया शुल्क के संग 31 दिसम्बर ले 2 जनवरी 2022 तक त्रुटि सुधार के समय दे गे हावय। परीक्षा 23 जनवरी 2022, रविवार के दू पाली म आयोजित करे जाही। पहिली पाली म बिहनिया 9 बजे ले 12.15 बजे तक खुली सोज भरती अउ दूसरी पाली म मंझनिया 2 बजे ले 5.15 बजे तक परिसीमित सोज भरती बर परीक्षा के आयोजन होही। विस्तार ले जानकारी छत्तीसगढ़ व्यवसायिक परीक्षा मण्डल के वेबसाईट https://vyapam.cgstate.gov.in ले मिल सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।