अंजोर.महासमुंद 22 दिसम्बर। नेशनल लाईव स्टॉक मिशन (एन.एल.एम.) योजनान्तर्गत दू दिवसीय जिला स्तरीय प्रशिक्षण अउ पशु मेला के आयोजन 24 अउ 25 दिसम्बर के विकासखण्ड सरायपाली के गांव केदुवा म करे जाही। पशु चिकित्सा सेवा के उपसंचालक डॉ डी डी झरिया ह बताइन के 24 दिसंबर के बिहनिया 11.00 बजे ले पशु पालक ल पैरा यूरिया उपचार, अज़ोला प्रदर्शन, साईलेज, हे निर्माण अउ कम लागत म दुधारू पशु बकरी अउ मुर्गी पालन के प्रशिक्षण दे जाही। मेला म उन्नत नस्ल के पशु-पक्षी मनके प्रदर्शनी अउ प्रतियोगिता मुख्य आकर्षण होही। जेमा महासमुंद जिला के सबो विकासखण्ड के किसान अउ पशुपालक भाग ले सकही।
ए आयोजन म दुधारू गौवंशीय पशु, बछिया-गिर, साहीवाल, जर्सीकास, एचएफ कास, बैलजोड़ी अंगोल, थारपारकर, दुधारू भैंस वंशीय, पड़िया-मुर्रा, ग्रेडेड मुर्रा, नागपुरी सांड, बकरी वर्ग के पशु सामिल करे जाही। जिला के किसान/ पशुपालक ये नस्ल के उत्कृष्ट पशु मन के संग प्रतियोगिता प्रदर्शनी म भाग ले सकही। येकर अलावा आन किसान/ पशुपालक भी पशु मेला प्रदर्शनी के अवलोकन करके पशुपालन के आधुनिक तकनीक ले अवगत होके लाभ ले सकही। डॉ झरिया ह जिला के सबो किसान पशुपालक ले अपील करे हावय के अपन उत्कृष्ट पशु मन के संग पशु मेला प्रदर्शनी म भाग लेवे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।