नवा साल म मुख्यमंत्री प्रदेशवासी मन ल दीस एक अऊ सौगात : एक सेकेण्ड म जारी होही भवन अनुज्ञा, आवेदक ल नइ लगाना परय कार्यालय के चक्कर: दाऊ भूपेश बघेल

अंजोर.रायपुर, 3 जनवरी। छत्तीसगढ़ के मुख्यमंत्री श्री भूपेश बघेल ह नगरीय क्षेत्र म 500 वर्गमीटर (5382 वर्ग फीट) तक के आवासीय प्लाट्स म भवन निर्माण के खातिर मानव हस्तक्षेप रहित ऑनलाईन डायरेक्ट भवन अनुज्ञा सिस्टम के शुरुआत करिस।

मुख्यमंत्री श्री भूपेश बघेल ह ए मउका म किहिन के गांव अउ शहर के विकास के खातिर हमन सरलग 3 साल तक बुता करेन, ए सूची म एक अउ सुविधा जोड़त हावन जेकर ले राज्य के शहर के विकास म तेजी आही अउ नागरिक के एक बड़का समस्या के प्रभावी समाधान मिलही। 

राज्य के नागरिक जेन अपन घर बनाना चाहत हे उंकर खातिर भवन अनुज्ञा एक अहम प्रक्रिया हावय, फेर ये प्रक्रिया इतना आसान नइ रिहिस नागरिक के ए सुविधा प्राप्ति के खातिर काफी परेशानी होत रिहिस। काबर के ये प्रकिया पूरा होए म लंबा समय लगे, नक्शा पास कराये के खातिर ये प्रकिया कई अधिकारी मन तक पहुंचत रिहिस अउ उंकर बाद नागरिक के घर बनाये के खातिर भवन अनुज्ञा मिलती रिहिस। फेर अब ये प्रकिया सब मानव हस्तक्षेप रहित होही अउ जल्दी  जल्द ले पूरा होही। कहू तुँहर पास सबो दस्तावेज हावयं त अब अपन घर बनाये के खातिर कहीं भी चक्कर लगाये के जरूरत नइये। घर बनाये के खातिर नागरिक येकर ले बड़ सुविधा अउ कहां मिलही। 

ये मउका म गृह मंत्री ताम्रध्वज साहू, कृषि मंत्री रविंद्र चौबे, वन मंत्री मोहम्मद अकबर, नगरीय प्रशासन अउ विकास मंत्री डॉ शिवकुमार डहरिया, मुख्य सचिव अमिताभ जैन, अपर मुख्य सचिव सुब्रत साहू, नगरीय प्रशासन विभाग के सचिव श्रीमती अलरमेलमंगई डी, सूडा के सीईओ सौमिल रंजन चौबे, एडिशनल सीईओ आशीष टिकरिहा अउ विभागीय अधिकारी उपस्थित रिहिन।