अंजोर.रायपुर, 3 जनवरी। छत्तीसगढ़ के मुख्यमंत्री श्री भूपेश बघेल ह नगरीय क्षेत्र म 500 वर्गमीटर (5382 वर्ग फीट) तक के आवासीय प्लाट्स म भवन निर्माण के खातिर मानव हस्तक्षेप रहित ऑनलाईन डायरेक्ट भवन अनुज्ञा सिस्टम के शुरुआत करिस।
राज्य के नागरिक जेन अपन घर बनाना चाहत हे उंकर खातिर भवन अनुज्ञा एक अहम प्रक्रिया हावय, फेर ये प्रक्रिया इतना आसान नइ रिहिस नागरिक के ए सुविधा प्राप्ति के खातिर काफी परेशानी होत रिहिस। काबर के ये प्रकिया पूरा होए म लंबा समय लगे, नक्शा पास कराये के खातिर ये प्रकिया कई अधिकारी मन तक पहुंचत रिहिस अउ उंकर बाद नागरिक के घर बनाये के खातिर भवन अनुज्ञा मिलती रिहिस। फेर अब ये प्रकिया सब मानव हस्तक्षेप रहित होही अउ जल्दी जल्द ले पूरा होही। कहू तुँहर पास सबो दस्तावेज हावयं त अब अपन घर बनाये के खातिर कहीं भी चक्कर लगाये के जरूरत नइये। घर बनाये के खातिर नागरिक येकर ले बड़ सुविधा अउ कहां मिलही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।