प्रदेश म पहिली बार धमतरी जिला म बनही बुनकर मनके उत्पादक कंपनी

अंजोर.धमतरी 22 दिसम्बर। प्रदेश म पहिली बार धमतरी जिला म बुनकर मनके उत्पादक कंपनी बनही। मिले जानकारी के मुताबिक हाथकरघा क्लस्टर के खातिर भारत सरकार ग्रामीण विकास मंत्रालय नवा दिल्ली डहर ले एनआरईटीपी परियोजना के तहत हाथकरघा क्लस्टर ल स्वीकृति मिले हावय। योजना के खातिर तहत पांच करोड़ स्वीकृत करिन हावय, जेमा वर्षवार कार्ययोजना मुताबिक बुनकर मनके बेहतरी के खातिर डीपीआर मुताबिक बुता करे जाही।

जिला के धमतरी अउ कुरूद विकासखण्ड के कुल 53 गांव के अइसे 500 बुनकर, जेन स्वसहायता समूह ले जुड़े हावयं, ल येकर ले जोड़े जाही। येकर खातिर छत्तीसगढ़ राज्य ग्रामीण आजीविका मिशन के राज्य इकाई अउ एफडीआरवीसी संस्था नवा दिल्ली के बीच अनुबंध करिन हावय।

जानबा होवय के एफडीआरवीसी डहर ले 17 दिसम्बर के जिला पंचायत म जिला मिशन प्रबंधन इकाई ’बिहान’ के संग एक दिवसीय कार्यशाला भी आयोजित करे गिस। कार्यशाला म बताइन के बुनकर मनला संगठित करे के खातिर बुनकर मनके उत्पादक कंपनी बनाके एमे जोड़े जाही। येकर बाद उंकर कच्चा माल जइसे धागे के सालभर उपलब्धता सुनिश्चित करे अउ बाजार उपलब्ध कराये के दिशा म बुता करे जाही। बुनकर मनके जिनिस ल बढि़या बाजार देवाये जिनिस के ब्रांडिंग, प्रदर्शनी के आयोजन सहित ऑनलाईन प्लेटफॉर्म ले भी जोड़े जाही।