अंजोर.गरियाबंद 03 नवम्बर। गरियाबंद जिला ले संचालित सबो शासकीय, अशासकीय, महाविद्यालय, विश्वविद्यालय के संस्था प्रमुख, छात्रवृत्ति प्रभारी अउ पढ़त अनुसूचित जाति, अनुसूचित जनजाति अउ आन पिछड़ा वर्ग के पढ़ईया मन जेन विभाग डहर ले संचालित पोस्ट मैट्रिक छात्रवृत्ति के पात्रता रखत हावयं, के खातिर शिक्षा सत्र 2021-22 बर पोस्ट मैट्रिक छात्रवृत्ति (कक्षा 12वीं ले उच्चतर) के आवेदन स्वीकृति अउ वितरण के कार्यवाही वेबसाईट पोस्टमेट्रिक-स्कॉलरशीप डॉट सीजी डॉट एनआईसी डॉट ये http:postmatric-scholarship.cg.nic.in म आनलाईन ले करे जात हावय। सहायक आयुक्त आदिवासी विकास विभाग ले मिले जानकारी मुताबिक पढ़ईया मन डहर ले नवा अउ नवीनीकरण के खातिर ऑनलाईन आवेदन बर 30 नवम्बर 2021 तक करे जात हावय। ड्राफ्ट प्रपोजल लॉक करे के आखरी तिथि 10 दिसम्बर 2021 तक, सेंक्शंन आर्डर लॉक करे के तिथि 20 दिसम्बर 2021 तक अउ शासकीय अउ अशासकीय संस्था के जारी करे के आखरी तिथि 25 नवम्बर 2021 तक करार करे गे हावय। ये करार तिथि के पाछु आवेदन स्वीकार नइ करे जाही। करार तिथि तक कार्यवाही पूरा नइ करे म यदि संबंधित संस्था मन के पढ़ईया छात्रवृत्ति ले वंचित हो जाही त येकर खातिर संस्था प्रमुख जिम्मेदार होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।