छठ पर्व : उत्तर भारतीय अउ भोजपुरी समाज सहित प्रदेशवासी मनला मुख्यमंत्री दीस शुभकामना

अंजोर.रायपुर, 09 नवम्बर। मुख्यमंत्री दाऊ भूपेश बघेल ह उत्तर भारतीय अउ भोजपुरी समाज सहित सबो प्रदेशवासी मन के छठ महापर्व के बधाई अउ शुभकामना दीस हावय। ए मउका म ओमन सबो लोगन के सुख, समृद्धि अउ खुशहाली के मंगल कामना करे हावय। श्री बघेल ह अपन शुभकामना संदेश म किहिन हावय के छठ पूजा सूर्य देव के प्रति कृतज्ञता अउ आभार प्रकट करे के पर्व हावयं। ये पर्व भाईचारा, सामुदायिक सौहार्द लाने के संग-साथ लोगन ल प्रकृति के करीब लाथे। ए पर्व म सूर्य अउ छठी मइया के उपासना करे जाथे।  

श्री बघेल ह किहिन के छठ पर्व म महतारी मन अउ बहनी मन डहर ले कठिन तपस्या करके परिवार के बेहतरी अउ सुख-समृद्धि के खातिर नदी, तरिया के किनारे सूर्य ल अर्ध्य देके मंगल कामना करे जाथे। भारत के आने-आने प्रदेश के समान छत्तीसगढ़ म भी बड़ संख्या म लोगन छठ पूजा करथे। लोगन के धार्मिक आस्था अउ भावना के सम्मान करत होए बिहार के बाद छत्तीसगढ़ म छठ पूजा के दिन सार्वजनिक अवकाश घोषित करे गे हावय।