Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

गांव के उत्पाद के मार्केटिंग खातिर शहर म खुलही सी-मार्ट के आधुनिक शो रूम : मुख्यमंत्री दाऊ भूपेश बघेल


अंजोर.रायपुर, 09 नवम्बर। मुख्यमंत्री दाऊ भूपेश बघेल ह ग्रामीण अर्थव्यवस्था के तेजी ले विकास के खातिर गांव म तइयार जिनिस ल शहर के मार्केट ले जोड़ के नवा पहल करे हावय। येकर खातिर मुख्यमंत्री श्री बघेल ह राज्य सरकार के आने-आने विभाग के योजना मन के महिला स्वसहायता समूह, शिल्पी, बुनकर, दस्तकर, कुम्भकर या आन पारंपरिक अउ कुटीर उद्योग डहर ले बने जिनिस के समुचित कीमत सुनिश्चित करे बर येकर व्यावसायिक ढंग ले मार्केटिंग के खातिर शहर म आधुनिक शोरूम के रकम ले सी-मार्ट स्थापित करे के निर्देश अधिकारी मन ल दे हावयं। ए संबंध म ओमन उद्योग विभाग के तुरते निर्देश जारी करे ल किहिन हावय। 

सी-मार्ट के स्थापना ले ये सबो वर्ग के उद्यमी ल अधिकतम लाभ मिलही। मुख्यमंत्री दाऊ भूपेश बघेल ह मुख्य सचिव के निर्देशित करत किहिन हावय के येकर खातिर पहिली चरण म सबो जिला मुख्यालय म नगर निगम के स्थिति म 8 ले 10 हजार वर्गफुट अउ नगर पालिका के स्थिति म 6 ले 8 हजार वर्गफुट म आधुनिक शो रूम के रकम ले सी मार्ट के स्थापना करे जाए।

श्री बघेल ह सी-मार्ट के स्थापना के खातिर तात्कालिक रूप ले बुता शुरू करे के खातिर किहिन हावय। येकर खातिर ओमन अभी के बेरा म उपलब्ध कोनो शासकीय भवन के उपयोग करे के निर्देश दे हावयं। ओमन किहिन हावय के जेन ठऊर मन म यदि उपयुक्त भवन उपलब्ध न हो उहां कलेक्टर, उद्योग विभाग या वन विभाग के अच्छा लोकेशन म जरूरत अनुसार भूमि आबंटित करे जाए। मुख्यमंत्री ह सी-मार्ट के खातिर उपलब्ध भवन के अपग्रेडेशन या नवा भवन के निर्माण बर आने-आने योजना मन के विभागीय राशि, सी.एस.आई.डी.सी. या लघु वनोपज संघ के रकम उपयोग करे ल किहिन हावय। श्री बघेल ह किहिन हावय के सी-मार्ट के निर्माण अउ संचालन बर अतिरिक्त रकम के जरूरत होए म उद्योग विभाग ले दे जाही।

मुख्यमंत्री ह ’छत्तीसगढ़ हर्बल्स’ के जिनिस के रकम ले के ये वस्तु मनके मार्केटिंग के बेवस्था लघु वनोपज संघ डहर ले करे के निर्देश दे हावयं। संग ही ओमन जिला कलेक्टर मन ल महिला समूह डहर ले बने अउ आन सबो पारंपरिक उत्पादक के प्रोसेसिंग, पैकेजिंग, ब्रेन्डिग अउ मार्केटिंग के बेवस्था बर प्रबंध संचालक, लघु वनोपज संघ ले समन्वय करे ल किहिन हावय।

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

कला-संस्कृति-साहित्य

सियानी गोठ

follow us

Twitter Twitter
Facebook Facebook
Youtube Youtube
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

Contact Us

नाम

ईमेल *

संदेश *

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
सिटी कार्यालय - प्रकाश मोबाईल सेंटर अमलीडीह (पानी टंकी के सामने), रायपुर छत्तीसगढ़
वाट्सअप- 9826753304
ई मेल : jayantsahu9@gmail.com
भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285