अंजोर.रायपुर, 30 अक्टूबर। कृषि अउ जल संसाधन मंत्री रविन्द्र चौबे ह राष्ट्रीय आदिवासी नृत्य अउ राज्योत्सव के उपलक्ष्य म आने-आने विभाग डहर ले विभागीय योजना मन अउ कार्यक्रम के प्रदर्शन के खातिर लगे प्रदर्शनी के अवलोकन करिन। मंत्री श्री चौबे ह विभाग डहर ले जन सामान्य के जानकारी के खातिर विभागीय योजना मन के प्रभावी प्रस्तुति अउ प्रचार सामग्री के सराहना करिस अउ येकर खातिर राज्य शासन के सबो विभाग के अधिकारी मन अउ कर्मचारी मन के बधाई दीस। मंत्री श्री रविन्द्र चौबे ह किहिन के प्रदर्शनी के अवलोकन छत्तीसगढ़ राज्य के विकास के सुखद अनुभूति हावय। हम सब मिलके नवा छत्तीसगढ़ गढ़बो के सपना ल साकार करे के तनि बढ़त हावन।
कृषि मंत्री श्री चौबे ह मुख्यमंत्री दाऊ भूपेश बघेल के नेतृत्व म छत्तीसगढ़ म खेती किसानी ल समृद्ध बनाये अउ राज्य के जलवायु के आधार म कृषि अउ उद्यानिकी फसल मन ल प्रोत्साहन बर करे होए प्रयास के सराहना करिस। उद्यानिकी विभाग के प्रदर्शनी म चाय अउ कॉफी के जशपुर अउ बस्तर जिला म खेती के प्रदर्शन के ओमन सराहिस अउ किहिन के राज्य शासन के ए प्रयास म जशपुर अउ बस्तर अंचल के किसान मनके अच्छा रूझान देखे ल मिलत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।