अंजोर.रायपुर, 30 अक्टूबर। मुख्यमंत्री दाऊ भूपेश बघेल एक नवम्बर के राज्य स्थापना दिन के मउका म राज्य के किसान भाई के खाता म 1500 करोड़ रूपिया के रकम जारी करही। ये रकम राजीव गांधी किसान न्याय योजना के तीसरा किश्त के रूप म दे जाही। देवरी तिहार के ठीक पहिली राज्य के 21 लाख किसान मन के 1500 करोड़ रूपिया मिले ले उंकर देवारी के खुशी दोगुना हो जाही। एक नवम्बर के किसान मनला राजीव गांधी किसान न्याय योजना के तहत तीसरी किश्त के रकम जारी करे के सबो तइयारी पूरा हो गे हावय।
जानबा होवय के राजीव गांधी किसान न्याय योजना के तहत राज्य म फसल उत्पादकता अउ फसल विविधिकरण ल बढ़ावा दे के खातिर आदान मदद रकम दे जाये के प्रावधान खरीफ साल 2019 ले लागू करे गे हावय। साल 2019 म धान अउ गन्ना के जिनिस 19 लाख किसान मन के 5702 करोड़ 13 लाख रूपिया के रकम जारी करे गिस रिहिस। साल 2020 म धान अउ गन्ना के उत्पादक किसान मनके योजना के तहत चार किश्त म आदान मदद रकम दे जात हावय। धान अउ गन्ना उत्पादक किसान मनके पहिली किश्त के रकम 1525 करोड़ 97 लाख रूपिया के भुगतान 21 मई 2021 के अउ द्वितीय किश्त के रकम 1522 करोड़ 03 लाख रूपिया के भुगतान 20 अगस्त 2021 के करे जा चुके हावय। तीसरी किश्त के रूप म धान उत्पादक किसान मनके 1500 करोड़ रूपिया के भुगतान एक नवम्बर 2021 के करिन जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।