अंजोर.रायपुर, 29 अक्टूबर। छत्तीसगढ़ सरकार डहर ले श्री धन्वंतरी जेनेरिक मेडिकल स्टोर ह कम समय म ही आम लोगन म लोकप्रिय हो गे हावयं। ये स्टोर आम नागरिक के खातिर सस्ता म गुणवत्तापूर्ण दवई के सुलभ साधन बनत हावयं। राष्ट्रीय आदिवासी नृत्य महोत्सव अउ राज्योत्सव के मउका म रायपुर के साईंस कॉलेज मैदान म लगे विकास प्रदर्शनी देखे बर आए कुशाभाऊ ठाकरे पत्रकारिता अउ जनसंचार विश्वविद्यालय के एसोसिएट प्रोफेसर शैलेन्द्र खण्डेलवाल ह किहिन के छत्तीसगढ़ सरकार डहर ले शुरू करे गे श्री धन्वंतरी जेनेरिक मेडिकल स्टोर ले आम आदमी दवई के गुणवत्ता के प्रति निश्चिंत हावय। काबर के ये दवई मन के सरकार के माध्यम ले उपलब्ध कराये जात हावय। संग ही ए मेडिकल स्टोर के लाभ कमाये के उद्देश्य ले शुरू नइ करे गे हावय। जेकर ले कम दर म सब्सिडी के संग नागरिक ल दवई आसानी ले मिलत हावय। येकर ले पता चलता हावय के सरकार हमर स्वास्थ्य के खातिर फिक्रमंद हावय। राज्य सरकार डहर ले शुरू करे गिस ए योजना म दवई मन के एमआरपी म 50 ले 71 प्रतिशत के छूट दे जात हावय। अधिकांश लोगन ट्रायवल अउ होम किट खरीदत हावयं। एक होम किट के कीमत 300 रूपिया हावय जेन लोगन के मात्र 140 रूपिया म मिलत हावय। एमे सबो इमरजेंसी के जरूरी दवई रखे गे हावयं।
श्री धन्वंतरी जेनेरिक मेडिकल स्टोर बनत हावय आम नागरिक के पसंद, सरकार आम लोगन के स्वास्थ्य के करत हाबे फिकर
अक्तूबर 29, 2021
0
Tags
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।