राष्ट्रीय आदिवासी नृत्य महोत्सव अउ राज्योत्सव म उद्यानिकी के होही देखनी

अंजोर.रायपुर, 27 अक्टूबर। रायपुर के साईंस कॉलेज मैदान म 28 अक्टूबर ले एक नवम्बर तक आयोजित होवइया राष्ट्रीय आदिवासी नृत्य महोत्सव अउ राज्योत्सव म उद्यानिकी विभाग डहर ले राज्य म उद्यानिकी के खेती ल प्रोत्साहन दे जाये बर जीवंत प्रदर्शनी लगाये जावथे। 

उद्यानिकी विभाग डहर ले लगाये प्रदर्शनी म राज्य म चाय अउ काफी के खेती खातिर करे जात  बुता के भी क्षेत्रवार नक्शा के रूप म बने रकम ले देखनी लगाये गे हावय। इहां राज्य के कृषि जलवायु म आधारित उद्यानिकी फसल मनके जिलावार प्रदर्शन के संग के आने-आने किस्म के आम, केला, पपीता, एप्पल, बेर उक के पौधे, हनी बी, ड्रिप सिंचाई अउ छोटे तरिया म मखाना के खेती के प्रदर्शन करे गे हावय। स्टॉल म एग्जॉटिक सब्जी, फल एवम फूल के प्रदर्शनी, बोनसाई पौधा, आरंग के मखाना, जशपुर के काजू, हाइब्रिड गेंदा, प्रसंस्कृत जिनिस जइसे आचार, जैम, सॉस, स्क्वाश उक के प्रदर्शन सह बेचे भी जाही।