अंजोर.रायपुर, 27 अक्टूबर। राजधानी के पंडरी के छत्तीसगढ़ हाट परिसर म 02 नवम्बर तक आयोजित छत्तीसगढ़ हर्बल्स दीवाली मेला म रोज संझा 7 बजे ले सांस्कृतिक कार्यक्रम के आकर्षक प्रस्तुति होही। ए कड़ी म 28 अक्टूबर के संझा 7 बजे सुश्री दीपशिखा श्रीवास भिलाई डहर ले लोक गाथा म आधारित कलश नृत्य के मनोहारी प्रस्तुति दे जाही।
जानबा होवय के राज्य लघु वनोपज संघ डहर ले 24 अक्टूबर ले 02 नवम्बर तक छत्तीसगढ़ हर्बल्स दीवाली मेला के आयोजन करे गे हावय। मेला म छत्तीसगढ़ हर्बल्स के 130 ले जादा जिनिस 15 प्रतिशत छूट म उपलब्ध हावय। मेला के नोडल अधिकारी अमरनाथ प्रसाद ह बताइन के 28 अउ 29 अक्टूबर के मेला मंझनिया 2 बजे ले सुरू होके रात 10 बजे तक चलही। इही रकम ले 30 अउ 31 अक्टूबर के मेला पूर्वान्ह 11 बजे ले सुरू होके रात 10 बजे तक चलही। मेला म लइका के खातिर फोकट म झूला के बेवस्था हावय अउ आयुर्वेदिक अस्पताल के स्टाल भी लगाये गे हावय। एमे फोकट म नाड़ी परीक्षण अउ वैद्य सलाह के सुविधा उपलब्ध हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।