अंजोर.रायपुर, 27 अक्टूबर। रबी सीजन 2021-22 म दलहन फसल बोनी के सिलसिला तेजी ले शुरू होगे हावय। अब तक 11 हजार 450 हेक्टेयर रकबा म आने-आने रकम ले दलहन फसल मन के बोनी हो चुके हावय। ए साल राज्य म 8 लाख 20 हजार हेक्टेयर म दलहन फसल बोनी के लक्ष्य हावय, जेन बिते साल राज्य म 7 लाख 52 हजार हेक्टेयर म होए दलहन फसल के खेती के तुलना म 68 हजार हेक्टेयर जादा हावय।
कृषि विभाग ले मिले जानकारी के मुताबिक ए साल रबी सीजन म चना के बोनी 4 लाख हेक्टेयर म, मटर के 55 हजार हेक्टेयर, मसूर के 40 हजार हेक्टेयर, मूंग के 35 हजार, उड़द के 30 हजार, तिवडा के 2 लाख 30 हजार अउ कुल्थी के 30 हजार हेक्टेयर म बुआई के लक्ष्य हावय। येकर विरूद्ध अब तक चना, मटर, मसूर, तिवडा, कुल्थी अउ आन दलहन के फसल मन के 11 हजार 450 हेक्टेयर म बुआई हो चुके हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।