अंजोर.रायपुर। बाहिर ले आके लोगन मन हमर शांत छत्तीसगढ़ राज ल अपराधगढ़ बनाये के बुता करत हावय। अइसन मनके धरपकड़ करे खातिर अब पुलिस ह साव-चेत होगे हावय। मिले आरो के मुताबिक रायपुर पुलिस ह उन सबो मकान मालिक ले अपन किरायदार मनके जानकारी अब 15 अक्टूबर तक पठोय बर केहे हावय।
रायपुर पुलिस कोति ले मकान मालिक मनला निर्धारित प्रारूप म किरायेदार मनके जानकारी अपन क्षेत्र के थाना ल पठोही। निर्धारित प्रारूप थाना ले या https://raipurpolice.cgstate.gov.in/ के वेवसाईट ले तको डाउनलोड करके क्षेत्र के थाना म जमा कर सकत हावय। जानकारी ऑनलाइन जमा करे खातिर http://citizenportal.cgpolice.gov.in/citizen/login.htm म रजिस्टर्ड करके नागरिक सेवा के अंतर्गत किरायेदार / पी.जी.सत्यापन अनुरोध के माध्यम ले ऑनलाईन भी जमा करे जा सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।